miércoles, 22 de octubre de 2014
O CLUB DOS MAIORES CURSO 2014-2015
Este curso, o Club dos Maiores comezou a desenvolver as súas actividades o día 1 de outubro, cun programa renovado e integral onde se pretende fomentar un estilo de vida saudable e activo a nivel físico, psíquico e social. O conxunto de actividades que se están a levar a cabo comprenden 3 horas semanais (excepto dúas horas de informática os venres) durante as cales, as persoas maiores de 60 anos, poden desfrutar do seu tempo na Asociación realizando distintas tarefas en compañía do resto do grupo.
As actividades do ámbito cognitivo son programadas e levadas a cabo pola coordinadora do Club dos Maiores, que á súa vez é psicóloga cun máster en psicoxerontoloxía. Estas actividades son:
à DEBATE
SOBRE TEMAS DE ACTUALIDADE: nesta hora trabállase a orientación espacial e
temporal a través de debates sobre a actualidade que están baseados en novas
que aparecen na prensa escrita (xornal, revistas,...). Son sempre noticias
positivas que dan pé a establecer unha conversa agradable e distendida entre os
participantes.
à XIMNASIA:
esta actividade está dirixida por un graduado en educación física e do deporte.
Nesta hora trabállase a actividade física con todo o material deportivo que
temos na aula. Os exercicios están en función das capacidades e posibilidades de
cada asistente á actividade.
à TERTULIA
SOBRE A CULTURA POPULAR: nesta hora trabállase a reminiscencia, o recordo
de elementos do pasado a través de historias que son significativas para as
persoas maiores: a escola, os refráns, as cancións, os xogos populares,…
Establécese unha conversa entre os participantes, cada un aporta a súa versión
ou o seu coñecemento sobre o tema que se trata. Ao mesmo tempo recóllese o
texto oral para logo transcribilo e elaborar unha publicación anual que sirva
de recordo da actividade elaborada e poña de manifesto o seu saber popular.
à ESTIMULACIÓN
COGNITIVA: esta actividade realízase durante unha sesión de hora e media. Trabállase
a estimulación cognitiva en todas as súas áreas: memoria, atención,
concentración, cálculo,... a estimulación farase a través de técnicas como a
reminiscencia ou uso de elementos reais e fisicamente palpables que poidan
evocar recordos. Cada participante poderá solicitar un caderno de fichas para
facer na casa en caso de que así o desexe. Este caderno será corrixido
semanalmente pola coordinadora da actividade.
à MANUALIDADES:
esta actividade dura algo máis dunha hora e está dedicada a realizar
manualidades e outras actividades creativas. Poden ser dirixidas pola coordinadora
da actividade pero, sobre todo, vanse realizar aquelas labores ou manualidades
que as participantes propoñan, o que elas queiran facer.
à PANDEIRETA:
esta actividade está dirixida por unha profesora específica de pandeireta, cada
semana ensaian cantigas que acompañan no só da pandeireta, senón de cunchas de
vieiras, culleres e outros instrumentos musicais. Para mostrar a gran labor que
realizan intentan sempre participar nos festivais da entidade.
à ESTRATEXIAS
DE MEMORIA: nesta hora trabállase a
memoria aplicada á vida cotiá: listas de compra, operacións con euros, axendas,
cadernos de nota, regras mnemotécnicas,… ademais de tratar outros temas do día
a día como a hixiene do sono ou a saúde alimentaria entre outros.
à TRABALLAMOS
COS SENTIDOS: esta sesión estará dedicada a estimular os 5 sentidos das
persoas a través de actividades que permitan entrar en contacto real con
produtos de estimulación sensorial: probar distintos sabores, cheiras distintas
plantas aromáticas, diferenzas entre texturas,...
à TRABALLAMOS
COA MÚSICA: nesta trabállase coa música, cos ritmos, co baile, facendo
actividades relacionadas coas cancións de antes, cos bailes e realizando exercicios
a través dos ritmos entre outras actividades.
à INFORMÁTICA:
esta actividade está dividida en dúas horas, a primeira hora á para aquelas
persoas que non teñen coñecemento algún de informática e trabállanse aspectos
como acender, apagar, internet, e-mail, citas médicas,… o grupo da segunda
hora, que xa coñece o manexo básico, encárgase de editar os textos escritos da
publicación anual, ademais de aprender cousas novas que eles mesmos demandan.
Suscribirse a:
Entradas (Atom)
Etiquetas
- Arcostilos
- Club dos Maiores
- Actividades personas mayores
- Os Tilos
- Envejecimiento Activo
- OSNOSOSMAIORES
- Charlas Maiores
- Repenicas dos Tilos
- Ategal
- DGT
- Dia das Letras Galegas
- Día do Maior
- Edad y Vida
- Escola Galega de Consumo
- Intercultural
- Manualidades
- María Solar
- Meteogalicia
- Pintura
- Vacina Gripe
- Ximnasia de Mantemento
- Xoan Xose Fernandez Abella
- tilos